Արմեն Սարգսյանի ընտրության ժամանակ արձանագրվել է 90 կողմ եւ 10 դեմ ձայներ. սա ցույց է տալիս, որ ի հեճուկս Վահրամ Բաղդասարյանի հայտարարության, ոչ թե ընդդիմության մեջ կան ծպտյալ հանրապետականներ, այլ հանրապետականների մեջ կան ծպտյալ ելքականներ: Այս մասին, այսօր՝ մարտի 2-ին, ԱԺ-ում հայտարարեց «Ելք» խմբակցության ղեկավար Նիկոլ փաշինյանը:
Հիշեցնենք, ո ավելի վաղ ԱԺ-ում ՀՀԿ խմբակցության ղեկավար Վահրամ Բաղդասարյանը՝ անդրադառնալով ՀՀԿ-ական կրծքանշան կրելուն, նշել էր հետեւյալը. «Հանրապետականները միայն «բռոշկով» չեն հանրապետական: Մենք ունենք առանց «բռոշկի» հանրապետականներ, ծպտյալ հանրապետականներ»:
Նշենք, որ այսօր՝ մարտի 2-ին, ԱԺ-ում կայացել է ՀՀ 4-րդ նախագահի ընտրության քվեարկությունը: Նախապես 4 խմբակցություններից միայն «Ելք»-ն էր հայտարարել, որ դեմ է քվեարկելու: «Ելք» խմբակցությունն ունի 9 պատգամավոր, որոնցից 7-ն են մասնակցել քվեարկությանը, հետեւաբար, առնվազն եւս 3 պատգամավոր դեմ է քվեարկել Արմեն Սարգսյանի թեկնածությանը:
