Ուկրաինայում 15-20 միլիոն խորանարդ մետրի չափով անհավասարակշռության պատճառով գազի սպառման ժամանակավոր սահմանափակում է ներդրվել: Այս մասին հայտարարել է Ուկրաինայի էներգետիկայի եւ ածխի արդյունաբերության նախարար Իգոր Նասալիկը, փոխանցում է «Ուկրաինսկայա պրավդա»-ն:
«Նավթոգազ» ընկերության ղեկավար Անդրեյ Կոբոլյովի հաղորդած տեղեկատվության համաձայն՝ «Գազպրոմ»-ի կողմից դատարանի սահմանված պայմանագրային պարտականությունները չկատարելու եւ կանխավճարը վերադարձնելու պատճառով «Նավթոգազ»-ը անհավասարակշռության է բախվել մեր պետության ընդհանուր հաշվեկշռում, որը մոտ 20 մլն խորանարդ մետր գազ է կազմել»,- ասել է Նասալիկը:
Այս կապակցությամբ, նշել է Նասալիկը, որ ճգնաժամային շտաբի նիստի ժամանակ ներկայացվել է Գործողությունների ազգային պլանը, որի շրջանակներում մի շարք միջոցառումներ են նախատեսվում, մասնավորապես՝ արտադրող ընկերությունների՝ գազից մազութի անցումը: «Երկրորդ, մենք հանձնարարել ենք մինչեւ մարտի 6-ը ամբողջությամբ դադարեցնել նախադպրոցական ուսումնական հաստատությունների, դպրոցների եւ բարձրագույն ուսումնական հաստատությունների աշխատանքը: Ընդ որում, հանձնարարվել է վերանայել, որպեսզի այս հաստատություններում ջերմաստիճանը լինի թույլատրելի նվազագույն նորմին համապատասխան»,- ընդգծել է նա: Նասալիկը նաեւ նշել է, որ, հաշվի առնելով ռեսուրսների հետ կապված իրավիճակը, արտադրական օբյեկտներին առաջարկվել է վերանայել գործողությունների ծրագիրը,: