Խորհրդավոր գրենլանդական բեւեռային շնաձկները, որոնք կարող են ավելի քան 500 տարի ապրել, տեսանյութում են հայտնվել, հաղորդում է moya-planeta.ru-ն:
Գրենլանդիայի շնաձկները մոլորակի ամենախորհրդավոր արարածներից են: Այս վիթխարի արարածները բնակվում են Հյուսիսատլանտյան սառը, խորը ջրերում: Նրանք դանդաղաշարժ ու տարօրինակ տեսք ունեն, քանի որ նրանց մաշկը ծածկված է մակաբույծներով: Էգերը վերարտադրողական տարիքի հասնում են մոտավորապես 150 տարեկանում:
Սակայն, չնայած երկար կյանքին, գրենլանդական շնաձկները բավական անորսալի են: Նրանց բնակության վայրում արված շշմեցուցիչ տեսագրությունը արվել է Նյուֆաունդլենդի հուշահամալիրից Բրինն Դեւայնի եւ Ջոնաթան Դեմփսի կողմից:
«Կադրերը մեզ կարեւոր տեղեկություններ են տալիս պոպուլյացիայի մասին, նրանց չափերի եւ պահվածքի, ինչպես նաեւ կանադական Արկտիկայում այդ ձկների արեալի մասին, ինչը հնարավոր է դարձնում գիտելիքներում առկա բացը լարցնել», — ասել է Բրին Դեւայնը: