Մանկական Հեռուստատեսության եւ ռադիոհեռարձակման միջազգային օրը՝ ամենապայծառ եւ ամենաբարի տոներից մեկը, նշվում է մարտի առաջին կիրակի: Այն 1991 թվականին ընդունվել է ՅՈՒՆԻՍԵՖ-ի կողմից եւ կոչ է անում չմոռանալ ամենափոքր եւ հետաքրքրասեր հեռուստադիտողների մասին:
Ամեն տարի մարտի առաջին կիրակի աշխարհի բոլոր առաջատար հեռուստառադիոընկերությունները եթերը նվիրում են երեխաներին եւ մանկական հաղորդումներին:
Իսկ այս օրը մանկական հեռուստատեսային ծրագրերի եւ ռադիոհաղորդումների արտադրությամբ զբաղվող բոլոր աշխատողները նշում են իրենց մասնագիտական տոնը:
Ավելին՝ 1994 թվականին ՅՈՒՆԻՍԵՖ-ը եւ Հեռուստատեսային արվեստի եւ գիտության միջազգային ակադեմիան հատուկ մրցանակ են ստեղծել, որը շնորհվել է այն հեռուստաընկերությանը, որի ծրագիրն այդ օրը առավել ամբողջականորեն իրագործել է իր առաքելությունը:
2008-ին ՅՈՒՆԻՍԵՖ-ը ստեղծեց իր սեփական մրցանակը, որը տրվում է հեռուստառադիոընկերություններին: Մանկական Հեռուստատեսության եւ ռադիոհեռարձակման միջազգային օրը սոցիալական նշանակություն ունեցող կողմ ունի. օրը կոչված է հասարակության ուշադրությունը հրավիրել երեխաների եւ երիտասարդների իրավունքների վրա:
