Ռուսաստանի Դաշնության նախագահ Վլադիմիր Պուտինը հայտարարել է, որ Ռուսաստանը չի Միացյալ Նահանգներին չի հանձնի 2016 թվականի նախագահական ընտրություններին միջամտության համար մեղադրվող ՌԴ քաղաքացիներին, փոխանցում է «ՌԻԱ Նովոստի»-ն: Ավելի վաղ ԱՄՆ-ի գլխավոր դատախազ Ռոբերտ Մյուլերը ՌԴ 13 քաղաքացիներին մեղադրել էր ԱՄՆ-ի ընտրություններին միջամտելու փորձերի համար:
«Ռուսաստանը երբեք չի արտահանձնի իր քաղաքացիներին որեւէ մեկին, այնպես, ինչպես եւ ԱՄՆ-ն»,- հայտարարել է Պուտինը` պատասխանելով հարցին՝ պատրա՞ստ է արդյոք ՌԴ-ն արտահանձնել իր քաղաքացիներին:
«Ես գիտեմ, որ նրանք ԱՄՆ-ում չեն ներկայացրել ռուսական պետությունը եւ Ռուսաստանի իշխանություններին: Իսկ թե ինչ են նրանք կոնկրետ արել, ես գաղափար չունեմ: Եթե նրանք նույնիսկ ինչ-որ բան են արել են, ապա գուցե այդ մասին մեր ամերիկացի գործընկերներն են պատմում»,- ասել է Վլադիմիր Պուտինը՝ հավելելով, որ, իր կարծիքով, նրանք պետք է « խոսեին ոչ թե մամուլի», այլ՝ ռուս պաշտոնյաների հետ: «Թող մեզ նյութեր, մանրամասներ եւ տվյալներ տրամադրեն այդ գործով: Մենք պատրաստ ենք դրանք նայել եւ խոսել դրանց մասին»,- եզրափակել է ՌԴ նախագահը: Պուտինի հարցազրույցը հեռարձակվել է անգլերեն թարգմանությամբ::