Ֆիլիպինների եւ չինական ընկերության միջեւ Հարավչինական ծովում գազի ցանկացած միասնական հետազոտության գործարք անօրինական կլինի, քանի դեռ Չինաստանը Հարավչինական ծովում լիովին չի ճանաչել Ֆիլիպինների ինքնիշխան իրավունքը։ Այս մասին հայտարարել է Ֆիլիպինների Գերագույն դատարանի գլխավոր դատավոր Անտոնիո Կարպիոն, հաղորդում է «Reuters»- ը:
Նա նշել է, որ Ֆիլիպինների Էներգետիկայի նախարարությունը իրավունք ունի բանակցելու "China National Offshore Oil Corp (CNOOC)» պետական կորպորացիայի հետ, որպես հնարավոր ենթակապալառու: «Խնդիր չկա, եթե «CNOOC»- ն ընդունի, որ դա մեր բացառիկ տնտեսական գոտին է», - ասել է նա «АНК» լրատվական հեռուստաալիքին տված իր հարցազրույցում՝ հավելելով. «Բայց խնդիրն այն է, որ նա դա չի անի»:
Տասնամյակներ շարունակ Չինաստանը Խաղաղօվկիանոսյան տարածաշրջանի մի քանի երկրների, այդ թվում Վիետնամի, Բրունեյի, Մալայզիայի եւ Ֆիլիպինների հետ վիճարկում է այս տարածքում մի շարք կղզիների տարածքային պատկանելիությունը ։ Առավել կատաղի կոնֆլիկտ գոյություն ունի չինական օբյեկտների կառուցման շուրջ, որոնք որոշ պետություններ անօրինական են համարում: