Վազգեն Սարգսյանի ստեղծած ամենաուժեղ բանակը տարածաշրջանում Սերժ Սարգսյանը վերածեց ամենաուժեղ «դրամապանակի»։
Այս մասին մարտի 5-ին Ազգային ժողովի ճեպազրույցի ժամանակ հայտարարել է ընդդիմադիր «Ելք» խմբակցության ղեկավար Նիկոլ Փաշինյանը։
Նրա խոսքով, 2016 թվականի ապրիլյան էսկալացիայի ժամանակ պարզ դարձավ, որ հայկական կողմը կռվում է անցյալ դարի 80-ականների զենքերով, իսկ զինված ուժերը հզորացնելու եւ ամրացնելու փոխարեն Սերժ Սարգսյանը որոշել էր երկրի անվտանգությունն ապահովել մի շարք անիմաստ համաձայնագրերի ու պայմանավորվածությունների միջոցով․ «Իսկ թե ինչպես դրանք գործեցին պրակտիկայում, մենք մեր աչքով տեսանք»,-նշել է Փաշինյանը։
«Ելք» խմբակցության առաջնորդի խոսքով, «հոկտեմբերի 27-ի ողբերգությունը» արդյունքն էր այն բանի, որ Սերժ Սարգսյանը պատշաճ կերպով չէր կատարում իր պարտականությունները ազգային անվտանգության նախարարի պաշտնում։