Իրանի միջուկային ծրագրի վերաբերյալ Գործողությունների համատեղ համապարփակ ծրագիրը (ԳՀՀԾ) օգտակար գործիք է ստուգումների անցկացման եւ Իրանի միջուկային ծրագրի մոնիտորինգի համար: Այս մասին հայտարարել է Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Յուկիա Ամանոն, փոխանցում է «ՏԱՍՍ»-ը:
Նրա խոսքով՝ ԳՀՀԾ-ն չափազանց օգտակար է միջուկային ստուգումների անցկացման համար: «Ես կարող եմ հաստատել, որ մինչ որս Իրանը կատարում է իր պարտավորությունները միջուկային գործարքի շրջանակներում: Չափազանց կարեւոր է, որպեսզի Իրանը շարունակի կատարել այդ պարտավորությունները: Եթե ԳՀՀԾ-ն ձախողվի, դա կարող է մեծ կորուստ լինել միջուկային ստուգումների եւ բազմակողմ ջանքերի համար»,- ՄԱԳԱՏԷ-ի կառավարիչների խորհրդի նիստից առաջ իր զեկույցում նշել է Ամանոն: