Արմավիրի մարզում մարտի 4-ին, ժամը 10։30-ի սահմաններում Արտակարգ իրավիճակների նախարարության Փրկարար ծառայության «911» ծառայություն ահազանգ է ստացվել, որ Հայաստանի ատոմային էլեկտրակայանը պայթեցնելու են։

Shamshyan.com-ի  փոխանցմամբ, ոստիկանության Մեծամորի բաժնի քրեական հետախուզության խմբի ծառայողները կարճ ժամանակում պարզել են, որ ահազանգողը եղել է Արմավիր քաղաքի բնակիչ 49-ամյա Տիգրան Խ.-ն, ով Մեծամորի ոստիկանների կողմից հայտնաբերվել եւ բերման է ենթարկվել Մեծամորի ոստիկանություն։

Աղբյուրի տեղեկություններով՝ վերջինս հայտարարել է, որ ինքը այդ կեղծ ահազանգը կատարել է, քանի որ էլեկտրիկը իրենից իր կողմից սպառված էլեկտրաէներգիայի գումարն է պահանջել եւ հայտնել է, որ եթե նա վճարումը չկատարի, ինքը կհոսանքազրկի նրա բնակարանը, ինչից հետո է Տիգրան Խ.-ն ահազանգել է «911»։