Կարգավորման գործընթացը կարեւոր օգուտներ կբերի Թուրքիայի եւ Հայաստանի, ինչպես նաեւ Կովկասյան ողջ տարածաշրջանի համար։ Այդ մասին NEWS.am-ի հարցմանն ի պատասխան հայտնել էր ԱՄՆ դեսպանատնից՝ մեկնաբանելով հայ-թուրքական արձանագրությունների կնքման ընթացակարգի կասեցումը։
«Մենք տեղյակ ենք, որ նախագահ Սարգսյանը հայտարարեց 2009թ. Ցյուրիխում ստորագրված հայ-թուրքական արձանագրությունները պաշտոնապես չեղարկելու մասին, սակայն նա միաժամանակ փաստեց, որ Հայաստանը շարունակում է հավատարիմ մնալ ապագայում առանց նախապայմանների Թուրքիայի հետ հարաբերությունների կարգավորման իր հանձնառությանը: Մենք երկու կողմին էլ խրախուսում ենք հաշտեցման ու հարաբերությունների կարգավորման համար դուռը բաց թողնել: Կարգավորման գործընթացը կարեւոր օգուտներ կբերի Թուրքիայի եւ Հայաստանի, ինչպես նաեւ Կովկասյան ողջ տարածաշրջանի համար»,- նշել են դեսպանատնից:
Հիշեցնենք, որ մարտի 1-ին ՀՀ նախագահ Սերժ Սարգսյանի հրամանագրով դադարեցվել է հայ-թուրքական արձանագրությունների կնքման ընթացակարգը:
Երկու պարագայում էլ մենք շահող ենք. Սերժ Սարգսյանը՝ հայ-թուրքական արձանագրությունների մասին
Որեւէ մեկի նախապայմաններ առաջադրելու պրակտիկան ուղղակի մեզ մոտ չի անցնելու. Սերժ Սարգսյան
