ԱՄՆ նախագահ Դոնալդ Թրամփը չի բացառել, որ նա անձամբ կմասնակցի Երուսաղեմում ԱՄՆ դեսպանատան բացմանը, հաղորդում է «ՌԻԱ Նովոստին»:
«Կարող եմ, կարող եմ: Տեսնենք: Մենք ցանկանում ենք կառուցել դա (դեսպանատան շենքը) շատ արագ», - Սպիտակ տանը Իսրայելի վարչապետ Բենիամին Նեթանյահուի հետ հանդիպման ժամանակ ասել է նա :
Թել Ավիվից Ամերիկայի դեսպանատան տեղափոխումը Երուսաղեմ, ինչի մասին նախկինում կարգադրել էր Թրամփը, սպասվում է մայիսի 14-ին՝ Իսրայելի կազմավորման 70-ամյակի օրը:
Իսրայելը Երուսաղեմին անվանում է իր «միասնական եւ անբաժանելի» մայրաքաղաք ը, ներառյալ նրա արեւելյան շրջանները եւ պատմական կենտրոնը:
