Թուրքիայի Սամսուն քաղաքում ոստիկանները ձերբակալել են Անկարայում ԱՄՆ դեսպանատան դեմ հարձակման կազմակերպչական աշխատանքների մեջ գտնվող 4 անձի։
Թուրքական Sozcu պարբերականի փոխանցմամբ՝ Սամսունի ոստիկանության ահաբեկչության դեմ պայքարի վարչության աշխատակիցները ձերբակալել են Իրաքի 4 քաղաքացու ահաբեկչության փորձ կազմակերպելու կասկածանքով։
«Հիշյալ անձիք կասկածվում են ԻՊ-ի անդամ լինելու մեջ եւ պատրաստվում էին հարձակում կազմակերպել Անկարայում ԱՄՆ դեսպանատան դեմ»,-նշվել է ոստիկանության հայտարարության մեջ։