Ռուսաստանը ավելի շատ ապացույցներ ունի, որ ԱՄՆ-ն ցանկանում է ահաբեկչական «Ջեբհաթ Ան Նուսրա» խմավորմանը զերծ պահել հարվածներից եւ նրան պահպանել Դամասկոսի վարչակարգի փոփոխության համար: Այս մասին հայտարարել է Ռուսաստանի արտգործնախարար Սերգեյ Լավրովը Նամիբիայի փոխվարչապետ, արտաքին գործերի եւ համագործակցության նախարար Նետումբո Նանդի Նդաիտվամի հետ համատեղ մամուլի ասուլիսի ժամանակ, հաղորդում է ՏԱՍՍ-ը:
«Մենք ավելի ու ավելի շատ ապացույցներ ունենք, որ մեր արեւմտյան գործընկերները, առաջին հերթին, Միացյալ Նահանգները ցանկանում են «Ջեբհաթ ան Նուսրային», որն այժմ փոխում է իր անվանումը, բայց դրանից նրա էությունը չի փոխվում, հեռացնել հարվածներիից եւ նրան պահել «Բ» ծրագրին վերադառնալու, այսինքն՝ Դամասկոսում ռեժիմը փոխելու համար», - ասել է ՌԴ նախարարը:
Միեւնույն ժամանակ, Ռուսաստանի արտգործնախարարը նշել է, որ Արեւելյան Գուտայում այս խմբավորման դեմ պայքարը լիովին օրինական է: «Ջեբհաթ ան Նուսրան» հրադադարի տակ չի ընկնում: Դրա դեմ պայքարելը լիովին օրինական է», - ընդգծել է Լավրովը:
