News
Լրահոս
News
Երեքշաբթի
Հոկտեմբեր 23
Տեսնել լրահոսը

ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը մարտի 5-ին ընդունել է Հայաստանում ԱՄՆ պետքարտուղարի տնտեսական եւ բիզնեսի հարցերով գլխավոր փոխտեղակալ Բրայան Մաքֆիթերսին։

Նախարարությունից NEWS.am-ին հայտնում են, որ ողջունելով հյուրին` նախարարը նշեց, որ հատկապես ՏՏ ոլորտում երկու երկրների միջեւ համագործակցության բավական հաջող փորձ է ձեւավորվել եւ հույս հայտնեց, որ այն առաջիկայում առավել կընդլայնվի ու կզարգանա։

Ներկայացնելով Հայաստանում ՏՏ ոլորտի ձեռքբերումները՝ նախարարը նշեց, որ 2017թ. 29% աճ է արձանագրվել, ինչը բավական լավ ցուցանիշ է։ Հաշվի առնելով հայ մասնագետների բարձր որակները եւ ոլորտի զարգացման հեռանկարները՝ Վահան Մարտիրոսյանը նշեց, որ այդ ցուցանիշներն առաջիկայում կարող են բարձրանալ։

Նա նաեւ հույս հայտնեց ապագայում Հայաստանում տեսնել ամերիկյան ընկերությունների գիտահետազոտական լաբորատորիաներ:

Բրայան Մաքֆիթերսն ընդգծեց, որ  ՏՏ ոլորտն այն լավագույն օրինակն է, որտեղ Հայաստանն իրացնում է իր կրթված քաղաքացիների ներուժը, ինչը մեր երկրի լավագույն բնական ռեսուրսներից մեկն է։ Նա նաեւ նշեց, որ պատրաստ են աշխատել Հայաստանի կառավարության հետ՝ աջակցելու կիբերանվտանգության, թվայնացման խնդիրներում, ինչպես նաեւ խրախուսելու ամերիկյան գործարարներին՝ ներդրումներ կատարել Հայաստանում իրականացվող տրանսպորտային ծրագրերում։

Հանդիպման ընթացքում քննարկվեցին կիբերանվտանգության ոլորտում երկու երկրներում կատարվող աշխատանքները, Հայաստանի կիբերանվտանգության ռազմավարության մշակման ընթացքում ամերիկյան փորձի ներդրման, համատեղ կրթական ծրագրեր իրականացնելու հնարավորությունները, ինչպես նաեւ ճանապարհաշինության ոլորտում երկկողմ հետաքրքրություն ներկայացնող մի շարք հարցեր։

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Ցուցադրվել է հեռավորությունից Android-ից գաղտնաբառեր գողանալու ձեւը
Սարքը հեռավորության վրա «կոտրելու» տեխնիկան նա ցույց է տվել Hack.lu 2018 համաժողովում․․․
Ճապոնիան Facebook-ից պահանջել է ամրացնել անձնական տվյալների պաշտպանությունը
Բացի այդ, հանձնաժողովը մտադիր է պահանջել հետաքննել եւս 29 մլն անձնական տվյալների արտահոսքը․․․
Համացանցի օգտատերերի մեծամասնությունը տղամարդիկ են․ հետազոտություն
Հիմնականում սա կապված է այն սահմանափակումների հետ, որ ունեն կանայք շատ երկրներում․․․
Samsung-ը նախատեսում է խաղային սմարթֆոն թողարկել
Որպեսզի գեյմերները կարողանան ավելի երկար խաղալ մշակողները սմարթֆոնում տեղակայելու են 4 հազար մԱ/ժ տարողությամբ հզոր մարտկոց…
Apple-ի գլխավոր տնօրենն արձագանքել է Apple-ի տեխնիկայում չինական լրտեսական չիպերի մասին տեղեկություններին
Այդ պատմությունն իրականությանը չի համապատասխանում…
Microsoft-ի համահիմնադիր Փոլ Ալենը մահացել է սեպտիկ շոկից. լրատվամիջոց
Microsoft ընկերության հիմնադիրներից մեկի՝ Փոլ Ալենի մահվան պատճառը սեպտիկ շոկն է եւ իմունիտետի անկումը՝ որպես լիմֆոմայի տեսակներից մեկի հետեւանք…
Partner news