Ադրբեջանից գազի մատակարարումների ապահովման նպատակով գերմանական կառավարությունը մտադիր է վարկային երաշխիքներ տրամադրել գերմանական բանկում ադրբեջանական պետական ձեռնարկության խոշոր վարկի համար: Այս մասին հաղորդում է dpa-ն՝ վկայակոչելով Գերմանիայի ֆինանսների նախարարության խորհրդարանական քարտուղար Յենս Շպանի՝ բունդեսթագի բյուջետային հանձնաժողովի նախագահ Պետեր Բյորինգերին ուղղված նամակը, փոխանցում է Deutsche Welle-ն:
Վարկի չափը 1.5 մլրդ դոլար է կազմում (1.2 մլրդ եվրո): «Այս գազի մատակարարումները պետք է զգալի ներդրում կատարեն Եվրոպային եւ Գերմանիային գազի մատակարարման գործում»,- իր նամակում գրել է Շպանը:
