Թուրքիայի ԱԳ նախարար Մեւլութ Չավուշօղլուն մարտի 12-ին եռօրյա պաշտոնական այցով Ռուսաստան կուղեւորվի: Այս մասին երկրի ԱԳՆ-ում տեղի ունեցած մամուլի ասուլիսի ժամանակ հայտնել է գերատեսչության պաշտոնական ներկայացուցիչ Համի Աքսան, փոխանցում է ՏԱՍՍ-ը:
«Թուրքիան մեծ նշանակություն է տալիս Ռուսաստանի հետ հարաբերություններին: Մեր ԱԳ նախարարը մարտի 12-ից 14-ը այցով Մոսկվա կուղեւորվի, որի ընթացքում կքննարկի բարձր մակարդակով Համագործակցության խորհրդի նիստի նախապատրաստման հարցը, ինչպես նաեւ կմասնակցի տուրիստական ցուցահանդեսին»,- ասել է նա:
