News
Լրահոս
News
Ուրբաթ
Դեկտեմբեր 14
Տեսնել լրահոսը

Վարչապետ Կարեն Կարապետյանն ընդունել է պաշտոնական այցով Երեւանում գտնվող Լիոնի քաղաքապետ Ժորժ Կեպենեկյանին:

Վարչապետը բարձր է գնահատել հայ-ֆրանսիական հարաբերությունների մակարդակը եւ կարեւորել դրանց հետագա զարգացումը տարբեր ոլորտներում: Կառավարության ղեկավարը նշել է, որ Հայաստանի եւ Ֆրանսիայի միջեւ հարաբերությունների կարեւոր բաղադրիչներից մեկն ապակենտրոնացված մակարդակով համագործակցությունն է: Այդ առումով Կարեն Կարապետյանը ողջունել է Լիոնի եւ Երեւանի արդյունավետ համագործակցությունը, մասնավորապես՝ քաղաքաշինության, տնտեսական համագործակցության եւ զբոսաշրջության ոլորտներում: «Հուսով եմ՝ այս օրերին առիթ ունեցել եք ավելի լավ ծանոթանալու Հայաստանում ներդրումներ անելու առավելություններին: Ֆրանսիական, այդ թվում՝ Լիոնի ընկերությունները, կարող են օգտվել մեր երկրում ձեւավորված բարենպաստ ներդրումային միջավայրից, Հայաստանի՝ ԵԱՏՄ-ի եւ Իրանի հետ ունեցած արտոնյալ ռեժիմներից»,- ասել է վարչապետը՝ հույս հայտնելով, որ Լիոնի բիզնեսը կմասնակցի աշնանը Երեւանում կայանալիք Ֆրանկոֆոնիայի գագաթնաժողովի շրջանակում անցկացվելիք գործարար համաժողովին: Գործադիրի ղեկավարը վստահություն է հայտնել, որ ապրիլի 19-ից Երեւան-Լիոն ուղղիղ չվերթի գործարկումը լայն հնարավորություններ կստեղծի զբոսաշրջության զարգացման համար:

Ժորժ Կեպենեկյանը վարչապետին է ներկայացրել Երեւանի հետ համագործակցության ուղղություններն ու հնարավորությունները եւ նշել. «Մենք պատրաստ ենք երկու քաղաքների միջեւ բացել համագործակցության նոր՝ առարկայական ու պրագմատիկ էջ»,- ընդգծել է Ժորժ Կեպենեկյանը՝ ավելացնելով, որ այցի ընթացքում քննարկվել են Երեւանի եւ Լիոնի միջեւ համագործակցության 2018-2020 թվականների ծրագիրը, այդ թվում՝ տնտեսության, զբոսաշրջության, կրթության, նորարարության եւ այլ ոլորտներում:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Ով ուզում է ՀԲ-ի հանձնարարականներն ավելի շուտ կատարել, քան վարչապետի, թող գնա աշխատի ՀԲ-ում. Փաշինյան
Ինչո՞ւ չենք շտապում վարչապետի հանձնարարականները կատարել...
Դոլարն ու եվրոն շարունակում են թանկանալ
Թանկարժեք մետաղների համար բանկի կողմից սահմանվել են հետեւյալ գները...
Այդ համաձայնագրի սեփականատերը ոչ թե ՀԲ-ն է, այլ ՀՀ կառավարությունն է. Ջանջուղազյանի կոշտ արձագանքը
«Արտասահմանյան ֆինանսական ծրագրերի կառավարման կենտրոնը» կմտնի ֆիննախի կազմ…
Վայ այն պաշտոնյաներին, որոնք իմ հանձնարարականները չեն կատարել. էսօրվանից թող վեշերը հավաքեն. Փաշինյանը բարկացավ
Մենք այսքան խոսել ենք, որ էս երկիրը կառավարվում է ԾԻԳ-իզմի, ՊՈԱԿ-իզմի տրամաբանությամբ, եւ ամեն անգամ, երբ բանը գալիս է հարցեր լուծելուն, պարզվում է՝ նորից պետք է քննարկենք: Ոչ մի բան նորից պետք է չքննարկենք…
Նոր որոշում. Փակել Աջափնյակի և Նուբարաշենի գործող աղբավայրերը եւ կառուցել տարածաշրջանային նոր աղբավայր
Ներդրողներին հետաքրքիր է որակյալ աղբը...
Կկառուցվեն մոդուլային դպրոցներ, որտեղ գույներն ու մթնոլորտն ավելի նպաստավոր է. Արարատ Միրզոյան
Կառավարությունը հաստատեց սեյսմիկ անվտանգության առումով խոցելի 26 գերակա դպրոցների ցանկը...
Partner news