Ֆոլսոմի ոստիկանությունը կալանավորել է Vista del lago դպրոցի հասցեին սպառնալիքներով տեքստային հաղորդագրություն ուղարկողին: Սպառնալիքները ստանալուց հետո դպրոցում դասերը չեղյալ էին հայտարարվել: Որպես նախազգուշացման միջոց՝ ոստիկանության լրացուցիչ ջոկատը կալանավորման ընթացքում ուղարկվել էր դպրոց, հաղորդում է Slavicsac պորտալը:
Ռոզվիլում իրավապահ մարմինները կալանավորել են 19-ամյա տղամարդու, որը սոցցանցերում սպառնում էր Adelante High դպրոցի աշակերտներից մեկին:
Oakmont High դպրոցի ղեկավարությունը նույնպես տեղեկություն է ստացել այդ աշակերտի հանդեպ սպառնալիքների մասին եւ այն փոխանցել է ոստիկանություն:
Հետաքննության ընթացքում, կասկածյալը հայտնաբերվել է ռեստորանի կայանտեղիում: Խուզարկության ժամանակ մեքենայում հայտանբերվել է AR-15 տեսակի հրացան: Քննությունը շարունակվում է, դասերը դպրոցում սովորական դասացուցակով են ընթանում: