ՀՀ վարչապետ Կարեն Կարապետյանը մարտի 6-ին կայացած նիստին հանձնարարել է պետական մարմիններին՝տնտեսվարող սուբյեկտներին ապրանքի ներմուծման եւ արտահանման համար պահանջվող փաստաթղթերը tradegov.am-ի միասնական հարթակում հրապարակելու հնարավորություն ստեղծել:
Մասնավորապես, տնտեսական զարգացման եւ ներդրումների նախարար Սուրեն Կարայանին, գյուղատնտեսության նախարար Իգնատի Առաքելյանին, տրանսպորտի, հաղորդակցության եւ տեղեկատվական տեխնոլոգիաների նախարար Վահան Մարտիրոսյանին, բնապահպանության նախարար Արծվիկ Մինասյանին, առողջապահության նախարար Լեւոն Ալթունյանին, Պետական եկամուտների կոմիտեի նախագահ Վարդան Հարությունյանին, «Թվային Հայաստան» հիմնադրամի գործադիր տնօրեն Էդուարդ Ներսիսյանին հանձնարարվել է, իսկ առեւտրաարդյունաբերական պալատի նախագահ Մարտին Սարգսյանին առաջարրկվել է երկու ամսվա ընթացքում համատեղ մշակել եւ ներկայացնել ներմուծման եւ արտահանման համար անհրաժեշտ փաստաթղթերի հրապարակման գործողությունների ծրագիր:
«Ընթացիկ կարգի համաձայն՝ ապրանքների ներմուծման եւ արտահանման դեպքում տնտեսվարող սուբյեկտները մինչեւ տարբեր տեսակի ապրանքների փաստացի ստուգումը կամ փորձաքննությունը պարտավոր են ներկայացնել պահանջվող փաստաթղթերը մի քանի մարմիններին», - ասել է Կարեն Կարապետյանը: