Միացյալ Նահանգների արեւելյան ափին փոթորիկ եւ սառցե անձրեւ է մոտենում, հաղորդել են CNN-ի օդերեւութաբանները, փոխանցում է «ՏԱՍՍ»-ը: Տարերային աղետը սպառնում է հոսանքազրկել տները Նյու-Ջերսի, Կոնեկտիկուտ, Ռոդ Այլենդ, Մասաչուսեթս, Վերմոնտ, Նյու Հեմփշիր եւ Մեն նահանգներում ավելի քան 40 մլն մարդկանց տները:
ԱՄՆ-ի Ազգային օդերեւութաբանական ծառայությունը նախազգուշացրել է փոթորկի մասին, որը կգործի «մարտի 7-ից մինչեւ մարտի 9-ը ներառյալ»: Ակնկալվում է, որ երկրի հյուսիս-արեւելքում ձյան ծածկույթի հաստությունը կգերազանցի 30 սմ-ն: Ձյունը կուղեկցվի անձրեւով եւ 22.4 մ/վրկ ուժգնությամբ քամով:
Չորեքշաբթի օրը Ֆիլադելֆիայի քաղաքի (Փենսիլվանիա նահանգ) դպրոցների դասերը հետաձգվել են: Նյու Յորքում բնակիչներին խորհուրդ է տրվում ձեռնպահ մնալ մասնավոր տրանսպորտային միջոցներով ուղեւորություններից: «Նյույորքցիներին խորհուրդ է տրվում օգտվել միայն հանրային տրանսպորտից եւ ավելի շատ ժամանակ նախատեսել ճանապարհների համար», - նախազգուշացրել է արտակարգ իրավիճակների քաղաքային վարչությունը:
