Հայաստանում կրթական ծառայությունները մայրաքաղաքում են կենտրոնացած: Այս մասին մարտի 7-ին լրագրողների հետ հանդիպման ժամանակ ասաց տնտեսագիտության դոկտոր Արտակ Մանուկյանը:
Նրա խոսքով՝ երկրում տրամադրվող կրթական ծառայությունների 84 տոկոսը բաժին է ընկնում Երեւանին, ըստ որում՝ 2003 թվականից երկրի 10 մարզերի բաժնեմասի ցուցանիշը փոփոխության չի ենթարկվել: «Կարելի է նշել, որ կառավարության քաղաքականությունը՝ ուղղված տարածքային հավասարաչափ զարգացմանը, համենայնդեպս կրթության մասով ձախողվել է»,- նշեց փորձագետը: