ԱՄՆ-ը կարող է բացել «Պանդորայի արկղը», որը դժվար կլինի փակել: Այս մասին հայտարարվել է ԱՄՆ-ի կողմից պողպատի եւ ալյումինի ներմուծման համար մաքսային սակագներ սահմանելու վերաբերյալ որոշման կապակցությամբ Առեւտրի համաշխարհային կազմակերպության հանդիպման ժամանակ, որը նախաձեռնել էր Չինաստանը, փոխանցում է Reuters-ը:
ԱՄՆ-ի հիմնական առեւտրային գործընկերները մտահոգություն են հայտնել ԱՄՆ կողմից սակագների վերաբերյա ծրագրերի կապակցությամբ: «Մենք մտահոգություն ունենք, որ ԱՄՆ-ը կարող է բացել «Պանդորայի արկղը», որը դժվար կլինի փակել»,- ասաց Կանադայի ներկայացուցիչը: Հանդիպմանը ներկա էին ԵՄ-ի, Կանադայի, Թուրքիայի, Ռուսաստանի, Ավստրալիայի, Հարավային Կորեայի, Ճապոնիայի, Մեքսիկայի, Հնդկաստանի եւ Բրազիլիայի ներկայացուցիչները:
