Ֆրանսիական ընկերություններին երեք տարի են տվել տղամարդկանց եւ կանանց վարձատրության մեջ «գենդերային ճեղքը» վերացնելու համար: Հակառակ դեպքում, նրանք կստանան տույժեր` համաձայն երկրի վարչապետ Էդուարդ Ֆիլիպի կողմից արհմիություններին եւ գործատուներին ներկայացված ծրագրի, հաղորդում է AP-ն:
Կառավարության տվյալներով՝ տղամարդիկ կանանցից միջին հաշվով 9 տոկոսով ավելի շատ են վարձատրվում, չնայած օրենքը նույն աշխատանքի համար հավասար վարձատրություն է պահանջում: Ավելի քան 50 աշխատակից ունեցող ընկերությունները ստիպված կլինեն հատուկ ծրագրային ապահովում տեղադրել, որն ուղղակիորեն միացված կլինի աշխատավարձերի հատկացման համակարգերի հետ:
Եթե ընկերությունը չկարողանա 3 տարվա ընթացքում վերացնել ծրագրային ապահովման կողմից հայտնաբերված աշխատավարձերի տարբերությունը, աշխատանքային տեսուչները կարող են տուգանք նշանակել: