Թուրքիայի Ուրֆա քաղաքի պատմական ամրոցի պարիսպների վրայից ընկել ու վնասվածքներով հիվանդանոց է տեղափոխվել 16-ամյա մի աղջիկ։
Թուրքական Sozcu պարբերականի փոխանցմամբ՝ հիվանդանոց տեղափոխված աղջկա ինքնությունը պարզվելուց հետո բոլորի շոկի մեջ են ընկել։ Պարզվել է, որ աղջկա հայրը ամիսներ առաջ ընկերների հետ Ուրֆայի ամրոցի վրա սելֆի անելու ժամանակ կորցրել էր հավասարակշռություն ու գլորվել ներքեւ։ Նրա կյանքը փրկել չէր հաջողվել։
Աղջկա ընկերները պատմել են, որ ամրոցից ընկնող հոր տեսանյութը նայելուց հետո նրա աղջիկը որոշել էր գնալ եւ տեսնել, թե այդ ինչպես է հայրը ընկել։ Սակայն աղջիկը եւս չի կարողացել հավասակշռությունը պահի եւ գլորվել է ներքեւ։ Բժիշկները նշել են, որ նրա կյանքին վտանգ չի սպառնում։