Կիեւի կենտրոնում անհայտ չարամիտները նռնականետով կրակել են ռեստորանի վրա: Այս մասին հայտնում է «Էսպրեսո» հեռուստաալիքը:
Հեռուստաալիքի տեղեկություններով՝ կրակոցի հետեւանքով ռեստորանի ներսում հրդեհ է բռնկվել, որը մարելու համար ժամանել է Արտակարգ իրավիճակների պետական ծառայության մի քանի ստորաբաժանում:
Նշվում է, որ նռնակի պայթյունի հետեւանքով դեպքի վայրին կից շենքերի պատուհանների ապակիները կոտրվել են:
Ոստիկանները օգտագործված նռնականետը հայտնաբերել են դեպքի վայրից քիչ հեռու:
Նախնական տեղեկություններով՝ ոչ ոք չի տուժել: Միջադեպի աշխատանքային վարկածներն առայժմ չեն հրապարակվում: