Գերմանիայի ԱԳ նախարար Զիգմար Գաբրիելը Twitter-ում նշել է, որ չի մտնի Գերմանիայի նոր կառավարության մեջ:
«Ես չեմ մտնի նոր կառավարության մեջ»,- նշել է Գաբրիելը: Նրա խոսքով՝ այս մասին հինգշաբթի իրեն հայտնել են Գերմանիայի Սոցիալ-դեմոկրատական կուսակցության (ԳՍԴԿ) ապագա նախագահ Անդրեա Նալեսը եւ կուսակցության ղեկավարի պաշտոնակատար Օլաֆ Շոլցը:
«Ռեյթեր» գործակալությունը նշում է, որ կոալիցիայի մասին համաձայնագրի շրջանակում որոշվել է, որ ԱԳ նոր նախարարին նշանակելու իրավունքը պատկանում է ԳՍԴԿ-ին: Սպասվում է, որ կուսակցությունն իր որոշման մասին կհայտնի ուրբաթ առավոտյան:
Ավելի վաղ Գերմանիայի սոցիալ-դեմոկրատները համաձայնվել էին նոր կառավարություն ստեղծել Անգելա Մերկելի գլխավորած ՔԴՄ/ՔՍՄ դաշինքի հետ:
Գերմանիայում 2017-ի սեպտեմբերի վերջին տեղի են ունեցել Բունդեսթագի ընտրությունները, որից հետո բանակցություններ են սկսվել կոալիցիա ձեւավորելու շուրջ: Փետրվարի 7-ին Բեռլինում բանակցությունների մասնակիցները կոալիցիոն համաձայնագրի նախագիծ են ներկայացրել: Հնարավոր է՝ կառավարությունը ձեւավորվի մարտ-ապրիլին:
Ich werde der neuen Bundesregierung nicht mehr angehören. Meine Erklärung dazu: pic.twitter.com/qDCJT2KAZv
— Sigmar Gabriel (@sigmargabriel) 8 марта 2018 г.
