Հրդեհը տեղի է ունեցել Հնդկաստանի արեւմուտքում գտնվող Պալգար շրջանի քիմիական գործարանում: Միջադեպի հետեւանքով երեք մարդ է մահացել, հաղորդում է «ՌԻԱ Նովոստի»-ն:
Միջադեպը տեղի է ունեցել վաղ առավոտյան: Ըստ իրավապահների` հրդեհի պատճառն էլեկտրական կաթսայի պայթյունն էր, ինչը, իր հերթին, արդյունաբերական տարածքում աշխատողների կողմից անվտանգության կանոնների չկատարման հետեւանք էր: Այս պահի դրությամբ կրակը չեզոքացվել է, սակայն մինչ հրշեջների ժամանելը կրակը հասցրել էր տարածվել հարեւան երեք գործարանների վրա:
Դեռ պաշտոնապես հաստատվել է 3 զոհերի մասին տեղեկատվությունը, եւս 13 մարդ տարբեր աստիճանի ծանրության վնասվածքներ է ստացել: Նրանք բոլորը տեղափոխվել են հիվանդանոց, որտեղ նրանց համապատասխան բժշկական օգնություն է ցուցաբերվել: Իշխանությունները սկսել են միջադեպի հետաքննությունը: