Գեղարքունիքի մարզում այսօր՝ մարտի 9-ին, խոշոր ավտովթար է տեղի ունեցել: Երեւան-Իջեւան ավտոճանապարհի 58-րդ կմ հատվածում՝ Սեւանի վարչական տարածքում, բախվել են Երեւանի բնակիչ, 33-ամյա Գրիգոր Աղանյանի Mitsubishi Grandis մակնիշի 35 GՏ 966 համարանիշի, Գեղարքունիքի Գագարին գյուղի բնակիչ, 28-ամյա Լիանա Մելքումյանի Nissan մակնիշի 02 ԼM 011 համարանիշի եւ Երեւանի բնակիչ, 38-ամյա Էդմոն Սահակյանի BMW մակնիշի 777 NR 77 համարանիշի ավտոմեքենաները: Այս մասին տեղեկանում ենք shamshyan.com-ից:
Աղբյուրի փոխանցմամբ՝ վթարի հետեւանքով Mitsubishi-ի ուղեւորը՝ 34-ամյա Վարդանուշ Ջուլհակյանը եւ Nissan-ի վարորդ Լիանա Մելքումյանը մարմնական վնասվածքներով տեղափոխվել են Սեւանի բժշկական կենտրոն, իսկ BMW-ի վարորդ Էդմոն Սահակյանը՝ Էրեբունի բժշկական կենտրոն: