Կայսերական պինգվիններն Անտարկտիդայում գտել են գիտական արշավախմբի անդամներից մեկի թողած տեսախցիկն ու «սելֆի արել»: Կենդանիների մասնակցությամբ տեսանյութը հրապարակվել է Ավստրալական անտարկտիկական ծրագրի Facebook-ի պաշտոնական էջում, հաղորդում է Lenta.ru-ն:

Տեսանյութում երեւում է, որ թռչունները մոտենում են տեսախցիկին եւ օբյեկտիվին նայելով՝ այս ու այն կողմ տանում գլուխները: Հետո ավելի են մոտենում եւ ուշադիր զննում են տեսախցիկը: Մեկ օրվա ընթացքում տեսանյութն ավելի քան 100 հազար դիտում է ունեցել:

Գիտնականները նշում են, որ տեխնիկայի հանդեպ նման հետաքրքրությունը հազվադեպ երեւույթ չէ, քանի որ պինգվինները շատ հետաքրքրասեր են: