Ryanair–ը տոմսեր կթողարկի Brexit–ի դեպքում բարդացումների զգուշացումներով։ Այս մասին հաղորդել է The Guardian–ը՝ հավելելով, որ այդ տոմսերը վաճառքի կհանվեն 2018 թվականի սեպտեմբերից։

Հիշեցնենք, որ հունվարի վերջին Բրիտանիայի վարչապետ Թեերզա Մեյը հանդես էր եկել առաջարկությամբ՝ պահպանել անդամությունը Թռիչքների անվտանգության եվրոպական գործակալությունում։ Սակայն ընկերության մարքեթինգի հարցերով տնօրեն Քենի Ջեյկոբսի խոսքով, սա միայն առաջին քայլն է, քանի որ ավիաընկերությունների պատկանելիության  եւ Եվրոպական միության թռիչքների լիցենզիայի հարցերը մնում են բաց: