ԱՄՆ գործող նախագահ Դոնալդ Թրամփի 2020 թվականի ընտրարշավի կարգախոսը կդառնա «Ամերիկան մեծ պահպանենք» արտահայտությունը, հայտարարել է նա Պիտսբուրգում իր կողմնակիցների առջեւ ելույթ ունենալիս: Այս մասին հայտնում է CNN-ը:
«Մեր, ոչ իմ՝ մենք մի թիմ ենք, նոր կարգախոսը»,- իր կողմնակիցներին պարզաբանել է Թրամփը: Նա նշել է, որ 2020 թվականի նոյեմբերի ընտրություններին իր մասնակցությունը «ենթադրություն» է: «Դրանում ես գրեթե համոզված եմ, սակայն չի կարելի 100 տոկոսով վստահ լինել,- հավելել է ԱՄՆ նախագահը: - Ես չեմ սիրում շատ հեռու առաջ գնալ, սակայն եկեք ենթադրենք, որ ամեն ինչ կընթանա այնպես, ինչպես ընթանում է»:
«Երբ 2 տարի հետո մենք արշավը սկսենք, կարող եք հավատալ, մեր կարգախոսն է լինելու «Ամերիկան մեծ պահպանենք»,- հայտարարել է Թրամփը: Նա նշել է, որ հին կարգախոսը՝ «Ամերիկան դարձնենք մեծ», հաջորդ ընտրություններում հնարավոր չի լինի օգտագործել, քանի որ «ես դա արդեն արել եմ»:
Ելույթի ժամանակ Թրամփը նշել է, որ հավաքվածների խնդիրն է հնարավոր դարձնել, որպեսզի «Ամերիկայի մեծ վերելքը ամբողջ արագությամբ շարունակվի»:
Մարտի սկզբին Politico պաբերականը հայտնել էր, որ Թրամփը Ֆլորիդայի Մար-ա-Լագո մասնավոր նստավայրում հանդիպում էր անցկացրել իր նոր ընտրարշավի հովանավորների հետ: Թրամփը հայտարարել էր, որ ներդրողները կմտնեն այն մարդկանց կարգի մեջ, որոնք թեկնածուին առավել մոտ են: 25 հազար դոլար ներդնելուն պատրաստ մարդիկ կդառնան «Թրամփի լոկոմոտիվի» մի մասը, 45 հազար դոլար ներդնող բիզնեսմենները կմտնեն «45 ակումբ»-ի մեջ: Ավելի ուշ կներկայացվեն ավելի մեծ գումար ծախսելուն պատրաստ ներդրողների կարգերը
Փետրվարի վերջին Թրամփը իր վերընտրման արշավի մենեջեր էր նշանակել քաղտեխնոլոգ Բրեդ Փասքեյլին: Երկրորդ անգամ առաջադրվելու Թրամփի մտադրության մասին Սպիտակ տունը հայտնել էր դեռեւս հունվարին:
