Թուրքիայի խորհրդարանում կուսակցությունների դաշինքների հետ կապված օրինագծի քվեարկության ժամանակ իշխող «Արդարություն եւ զարգացում» (AKP)եւ ընդդիմադիր «Ժողովրդահանրապետական» (CHP) կուսակցության պատգամավորների միջեւ ծեծկռտուք է եղել։
Թուրքական Cumhuriyet–ի փոխանցմամբ՝ Թուրքիայի խորհրդարանում դաշինքների հետ կապված քվեարկության ժամանակ ընդդիմադիր CHP–ի պատգամավորներից մեկը իշխող կուսակցությանը հիշեցրել է տարիներ առաջ նախագահ Էրդողանի վիրավորական խոսքերն ուղղված «Ազգայնական շարժում» կուսակցության նախագահ Դեւլեթ Բահչելիին, որից հետո երկու կուսակցությունների պատագամավորների միջեւ ծեծկռտուք է սկսվել։
Նշենք, որ Էրդողանի ղեկավարած «Արդարություն եւ զարգացում» եւ «Ազգայնական շարժում» կուսակցությունները 2019–ի խորհդարանական եւ նախագահական ընտրություններին դաշինքով են մասնակցելու։