Ռուսաստանի Դաշնության Պետդումայի մշակույթի հարցերով կոմիտեի ղեկավար, ռեժիսոր Ստանիսլավ Գովորուխինը մտադիր չէ զբաղվել լրագրողի՝ սեռական ոտնձգետությունների մասին իր հասցեին հնչեցրած մեղադրանքներով: Այս մասին նա հայտարարել է «ՌԻԱ Նովոստի»-ին: «Ես գաղափար չունեմ, թե ինչն նպատակներ է հետապնդում լրագրողը եւ չեմ ցանկանում դրանով զբաղվել... Կարծում եմ՝ այստեղ ինչ-որ այլ նպատակներ կան, բայց ինձ դա քիչ է հուզում: Ես դեռ վատառողջ եմ, հիվանդանոցում եմ գտնվում, ուստի ինձ դա չի հետաքրքրում»,- «ՌԻԱ Նովոստի»-ին ասել է Գովորուխինը:
Նա նաեւ նշել է, որ իր հայտարարությունների համար լրագրողին պատասխանատվության չի ենթարկի:
Ավելի վաղ «Ազատություն» ռադիոկայանի լրագրող Դարյա Կոմարովան հայտարարել էր, որ Գովարուխինն իրեն դեր էր առաջարկել ֆիլմում մտերմիկ հարաբերությունների դիմաց: Կոմարովայի խոսքով՝ դեպքը տեղի է ունեցել 2012 թվականին Չեբոքսարիում հարցազրույցի ժամանակ:
#Metoo. Ռուս լրագրողը պատմել է Գովորուխինի կողմից սեռական ոտնձգության ենթարկվելու մասին