ԱՄՆ նախագահ Դոնալդ Թրամփը Կենտրոնական հետախուզական վարչության (ԿՀՎ) նոր տնօրեն է նշանակել Ջինա Հեսփելին: Այս մասին նա երեքշաբթի օրը գրել է թվիթերյան իր էջին: «Ջինա Հեսփելը կդառնա Կենտրոնական հետախուզական վարչության նոր տնօրեն՝ առաջին կինը, ով նշանակվել է այս պաշտոնում»,- գրել է նա: Ներկայումս Հեսփելը զբաղեցնում է գերատեսչության ղեկավարի առաջին տեղակալի պաշտոնը, փոխանցում է «ՏԱՍՍ»-ը:
