Հայաստանի առաջ երկու լրջագույն հարցեր են ծառացած՝ պաշտպանության եւ ղարաբաղյան հակամարտության հարցերը, եւ անհրաժեշտ է այնպիսի կառավարություն եւ վարչապետ ընտրել, որոնք կկարողանան այդ հարցերն ավելի արդյունավետ լուծել։ Այսպիսի կարծիք մարտի 13-ին՝ լրագրողների հետ հանդիպման ժամանակ հայտնել է նախկին պատգամավոր Մկրտիչ Մինասյանը։
Նրա խոսքով, վարչապետի պաշտոնը պետք է զբաղեցնի մարդ, որը ամբողջությամբ կտիրապետի պաշտպանության եւ ղարաբաղյան հակամարտության հարցերին, երկրի մյուս խնդիրներին. «Այս համատեքստում Սերժ Սարգսյանին այլընտրանք չեմ տեսնում»,– Մկրտիչ Մինասյանը։
«Այլընտրանք» վերլուծական կենտրոնի ղեկավար, տնտեսական գիտությունների դոկտոր, պրոֆեսոր Թաթուլ Մանասերյանը, իր հերթին, նշել է, որ մարդիկ, ովքեր ցանկանում են Գլխավոր հրամանատարի պաշտոնում այլ մարդ տեսնել, պարտավոր են հիմնավորել, որքանով է այդ անձը համապատասխանում այդ պաշտոնին եւ Սերժ Սարգսյանը ինչու պիտի զիջի։ Բոլոր քաղաքական ուժերը դա գիտակցում են եւ այդ պատճառով այլընտրանքային թեկնածու չեն ներկայացնում»,– ընդգծել է տնտեսագետը` հավելելով, որ սա քաղաքական ուժերի խնդիրն է, ոչ թե հիվանդ կամ առողջ հասարակության:
Հիշեցնենք, որ վարչապետի ընտրությունը կկայանա ապրիլի 17–ին։