«Ելք» խմբակցությունում այսօր՝ մարտի 13–ին շարունակվել է Սերժ Սարգսյանի վարչապետական ծրագիրը տապալելու շուրջ քննարկումները։ Մասնավորապես քննարկվում է Ազատության հրապարակում պայքար սկսելու հարցը, որի շուրջ դաշինքը ներկայացնող ուժերի միջեւ հստակ համաձայնություն չկա։ Ժամեր տեւած քննարկումից հետո խմբակցության ղեկավար Նիկոլ Փաշինյանի լրագրողների հետ զրույցում ասել է, որ դեռ վերջնական որոշում չունեն, ամեն հարց մանրակրկիտ քննարկում են։
«Ճանապարհային քարտեզը մանրակրկիտ ենք քննարկում եւ, բնականաբար, մեր քննարկումները շատ շահագրգիռ են, եւ ամեն դետալ ու նրբություն բուռն քննարկման առարկա է դառնում։ Սեղանին կա ճանապարահային քարտեզ եւ դրա շուրջ կան նաեւ առաջարկներ։ Նոր առաջարկներկան, եւ մենք որոշեցինք, այնուամենայնիվ, վերջնական որոշումից առաջ այդ առաջարկները քննարկել նոր որոշումկայացնել»,–ասել է Նիկոլ Փաշինյանը։
Ինչ վերաբերում է Ազատության հրապարակ գործուղվելու շուրջ տարաձայնություններին, ասել է. «Մենք ոչ թե քննարկում ենք տարաձայնություններն ինչի մասին են, այլ դրանք հաղթահարելու հարցը։ Եւ այնտեղ, որտեղ կա տարընթերցում, փորձում ենք այդ հարցերը քննարկել»։