Լիբանանի իշխանությունները կիսամերկ պարողների ելույթներով տեսանյութի հրապարակումից հետո Բեյրութում գիշերային ակումբ են փակել, հաղորդում է AP-ն:
Բեյրութի քաղաքապետարանի հայտարարության մեջ նշվում է, որ ակումբը փակվել է, քանի որ այն չունի լիցենզիա եւ ելույթներ են եղել, որոնք խախտել են «պարկեշտություն եւ հասարակական բարոյականությունը»: Լիբանանի ներքին գործերի նախարարը հայտարարել է, որ ակումբը «պոռնոգրաֆիկ պարերի» պատճառով իր հրամանով փակվել է:
Քաղաքապետարանի ղեկավար Զիյադ Չեբիբը հայտարարել է, որ, չնայած իր ազատությանը, Լիբանանը «պահպանողական հասարակություն է մնում»:
Ակումբն իր ֆեյսբուքյան էջում ներողություն է խնդրել եւ պարերի համար մեղադրել է պարողներին՝ Լոնդոնի գիշերային ակումբի կատարողներին: