Էկվադորն օտարերկրյա ընկերությունների համար վաճառքի է հանել 4 նավթի եւ մեկ գազի հանքավայրը՝ 800 մլն դոլարի ներդրումներ ներգրավելու համար, հաղորդում է« ՌԻԱ Նովոստի»-ն՝ վկայակոչելով Petroamazonas-ը:
Հայտարարության մեջ նշվում է Ամազոնի «Գույաբենո Սանսաուարի», «Օսո», «Յուրալպա», «Վլանկա Վինիտա» եւ «Ամիստադ» նախագծերի մասին: Պայմանագրերը կկնքվեն 10 տարով: Վճարումները կապված կլինեն նավթի համաշխարհային գներին:
Վաճառքների արդյունքները կհայտարարվեն հունիս ամսին: Ընկերությունում նաեւ նշել են, որ 2017 թվականին Էկվադորը հաջող վաճառքներ է իրականացրել եւ 700 մլն դոլարի ներդրումներ է բերել երկրին:
