News
Լրահոս
News
Կիրակի
Դեկտեմբեր 09
Տեսնել լրահոսը

Հայաստանում ստատափերի աջակցությանն ուղղված դրամաշնորհներ ստացած ընկերությունները ամենատարբեր ոլորտների գաղափարներ են ներկայացնում: Այս մասին, այսօր՝ մարտի 14-ին, լրագրողների հետ հանդիպման ժամանակ նշել է «Ձեռնարկությունների ինկուբատոր» հիմնադրամի տնօրեն Բագրատ Ենգիբարյանը:

«Մասնավորապես, ունենք մի սարք, որը կոշիկին ամրացնելու միջոցով փորձում են չափել մարդու քաշը, կյանքի մակարդակը: Բացի այդ, ունենք նաեւ շատ բարձր, կիբերանվտանգության կոմպլեքս լուծումներ, որոնք արդեն լուրջ բանակցում են արտասահմանյան ներդրողների հետ»,-ասաց Ենգիբարյանը:

Նրա խոսքով, այսօր մեծ քանակով ներդրողներ, այսպես կոչված, հրեշտակ ներդրողներ Հայաստանում ծրագրեր են փնտրում. «Այսօր հայկական կազմակերպությունների համար ամենակարեւորը այլեւս գումարը չի, այլ գաղափարը, եւ այն թիմը, որը պետք է այն իրականացնի: Արդեն կան հրեշտակ ներդրողներ, որոնք համաֆինանսավորել են ներկայացված ծրագիրը եւ արել ներդրումներ: Հրեշտակներն այն մարդիկ են, որոնք 100-տոկոսանոց բիզնես հետաքրքրություն չունեն, դա խաղ է եւ որոշակի ներդրում:

Մենք ունենք շատ ընկերություններ, որոնք մեր դրամաշնորհին զուգահեռ կարողացել են հրեշտակ ներդրողներ ներգրավել: Դրամաշնորհ ստացած կազմակերպությունները ծրագրի ավարտից հետո չեն դադարեցնում իրենց գործունեությունը: Մենք հնարավորություն ենք տալիս ոչ թե ստացված եկամտով մեքենա գնելու, այլ նորից ներդրում անելու եւ սեփական պրոդուկտ ստանալու համար»,-ասաց Ենգիբարյանը:

Ավելի վաղ NEWS.am-ը հայտնել էր, որ Հայաստանում մեկնարկել է նորարարությանն ուղղված համաֆինանսավորվող դրամաշնորհների մրցույթի երկրորդ փուլը, որն ուղղված է տեխնոլոգիական ուղղվածությամբ ստարտափերի եւ գործող ընկերությունների զարգացմանը: «Ձեռնարկությունների ինկուբատոր» հիմնադրամի տնօրեն Բագրատ Ենգիբարյանի խոսքով, մրցույթի երկրորդ փուլն արդեն հայտարարված է, կտրամադրվի 9 դրամաշնորհ՝ 35 հազար եվրոյին համարժեք դրամի չափով: Դիմող կազմակերպությունները պետք է ֆինանսավորեն ծրագրերի 50 տոկոսը: Ծրագրերը պետք է լինեն ոչ ավել, քան 9 ամիս եւ պետք է հիմնականում լինեն նշված ոլորտների՝ բարձր տեխնոլոգիաներ, ճարտարագիտություն, տեղեկատվական տեխնոլոգիաների որոշ ոլորտներ՝ մեքենայական ուսուցում, արհեստական ինտելեկտ եւ այլն: Այսինքն պարզ ծրագրերով չեն կարող մասնակցել:

Տպել
Կարդացեք նաև
Ամբողջը
ԱՄՆ-ն պետք է հետ կանչի Huawei-ի թոփ մենեջերի կալանավորման օրդերը
ԱՄՆ դեսպանին հասկացրել են, որ Պեկինի հետագա քայլերը կախված կլինեն Վաշինգթոնի քայլերից․․․
Տոկիոյում ռոբոտ մատուցողներով սրճարան է հայտնվել
Եթե փորձը հաջողվի, ապա հաստատությունը պաշտոնապես կբացվի 2020 թվականին․․․
Ռուսաստանում հետաձգել են կառավարվող «խելացի» փամփուշտների ստեղծումը
Տեսանելի ապագայում այդ գաղափարի համարժեք իրականացումն անհնար է թվում…
5G-ի աջակցությամբ սմարթֆոնները նոր iPhone-ներից թանկ կարժենան
5G-ով նոր սարքերի արժեքը կտատանվի 725-ից մինչեւ 1455 դոլարի սահմաններում…
Չինաստանը Կանադային լուրջ հետեւանքների մասին է զգուշացրել Huawei-ի ֆինանսական տնօրենին չազատելու դեպքում
ԱՄՆ խնդրանքով Մենի ձերբակալությունը, որը տեղի է ունեցել Վանկուվերում օդանավը փոխելու պահին, նրա օրինական իրավունքների լուրջ խախտում է…
2018 թվականի 10 ամենատարածված Android-սմարթֆոնները
Վարկանիշը գլխավորում է Xiaomi Mi 8 Explorer Edition սմարթֆոնը…
Partner news