News
Լրահոս
News
Շաբաթ
Սեպտեմբեր 22
Տեսնել լրահոսը

Վարչապետ Կարեն Կարապետյանի գլխավորությամբ կառավարությունում տեղի է ունեցել խորհրդակցություն, որի ընթացքում քննարկվել են «Սեւան» ազգային պարկի բարեփոխումներին եւ զարգացման ռազմավարությանը վերաբերող հարցեր: 

Զեկուցվել է, որ բարեփոխումների ծրագրով 14 մլրդ դրամ  գնահատվող 29 միջոցառում է նախատեսվում: Մասնավորապես, միջոցառումներն ուղղված են լինելու «Սեւան» ազգային պարկի հենքի վրա կենսոլորտային պահպանավայրի ստեղծմանը, ազգային պարկի կառավարման պլանի մշակմանը, ջրածածկ եւ ջրածածկման ենթակա անտառտնկարկների մաքրմանը, ջրի տակ մնացած շենք-շինությունների ապամոնտաժմանը, պատմության եւ մշակույթի անշարժ հուշարձանների պահպանման գոտիները հատուկ նշաններով առանձնացնելուն, ցուցանակների տեղադրմանը, զբոսաշրջության ժամանակակից պահանջներին համապատասխան հանգստի կազմակերպմանը, դեպի հուշարձաններ ճանապարհների կառուցմանն ու հիմնանորոգմանը: Միջոցառումներ են ձեռնարկվելու նաեւ պատասխանատու արդյունագործական ձկնորսության, էկոլոգիապես մաքուր արտադրության, ջերմատնային տնտեսությունների կազմակերպման, ինտենսիվ այգիների հիմնման, Լճաշեն-Սեւան հատվածը ներառող ծովափնյա ճեմուղու կառուցման եւ այլ ուղղություններով:    

Զեկուցվել է, որ այս տարվա ընթացքում ազգային պարկի տարածքում  մասնավոր հատվածի կողմից նախատեսվում է երկու ներդրումային ծրագրի իրականացում:

Կարեն Կարապետյանը կարեւորել է «Սեւան» ազգային պարկի պահպանման ու  կառավարման արդյունավետության բարձրացումը՝ միաժամանակ  ընդգծելով, որ պետք է հաշվի առնել նաեւ համայնքների մոտեցումները՝ վերջիններիս զարգացմանը չխոչընդոտելու նպատակով:  Վարչապետն անհրաժեշտ է համարել  ազգային պարկի տարածքի գոտիավորումը, ինչպես նաեւ  ներդրումային ծրագրերի իրականացման  համար հստակ չափանիշների սահմանումը, այդ թվում՝ կանաչ տարածքների պահպանման, ձեւավորման եւ այլ ուղղություններով:

!
Այս նյութը հասանելի է նաև   Русский and Türkçe
Տպել
Կարդացեք նաև
Ամբողջը
ՎԶԵԲ-ը հետաքրքրված է ՀՀ ագրարային ոլորտում ֆինանսավորման ծրագրեր իրականացնելու հեռանկարով. Վոյցեխ Բոնյաշչուկ
ՀՀ գյուղատնտեսության նախարարը և ՎԶԵԲ-ի տարածաշրջանային ղեկավար Վոյցեխ Բոնյաշչուկը քննարկել են համագործակցության հարցեր...
Ավստրիացի ընթերցողներին կներկայացվեն Հայաստանի եւ Ավստրիայի միջեւ համագործակցության արդյունքները գյուղոլորտում
Այնուհետեւ Արթուր Խաչատրյանը համառոտ ներկայացրել է գյուղատնտեսության ոլորտում ՀՀ կառավարության առաջնահերթությունները...
Դոլարի անկումը շարունակվում է. էժանացել է նաեւ եվրոն
Թանկարժեք մետաղների համար բանկի կողմից սահմանվել են հետեւյալ գները...
Կառավարությունը ՀՀ բնապահպանության եւ ընդերքի տեսչական մարմնին մեքենա հատկացրեց՝ «Mitsubishi Pajero»
Նախագծի ընդունումը կնպաստի ՀՀ բնապահպանության եւ ընդերքի տեսչական մարմնի կողմից բնապահպանության եւ ընդերքօգտագործման բնագավառներում վերահսկողական գործառույթների իրականացման գործընթացին...
Շահումով խաղերի գովազդը պետք է հեռարձակվի ոչ թե երեկոյան ժամը 22-ից, այլ կեսգիշերից. Փաշինյան
Սա մեծ չափաքանակ չէ՞, կամ միգուցե առաջարկենք, որ ժամերը փոխեն, որովհետեւ ենթադրենք պարտադիր չէ, որ 15 տարեկան երեխան ժամը 22.00-ն քնած լինի...
Գազալցակայաններում խաղային ապարատները պետք է դուրս բերվեն. մեզ մոտ խրախուսվում է «ղումարբազությունը». Փաշինյան
Գազալցակայաններում ու ամենուր տեղադրած խաղային ապարատները պետք է դուրս բերվեն եւ դա պետք է անել հնարավորինս արագ...
Ամենաշատ
Partner news