News
Լրահոս
News
Երեքշաբթի
Դեկտեմբեր 11
Տեսնել լրահոսը

ՆԱՏՕ-ի երկրները կոչ են արել Ռուսաստանին պատասխան տալ Մեծ Բրիտանիային ՌԴ Գլխավոր հետախուզության վարչության նախկին գնդապետ Սերգեյ Սկրիպալի թունավորման հարցով։ Դաշինքի բոլոր 29 անդամների կողմից ստորագրված եւ չորեքշաբթի՝ մարտի 14-ին տարածված հայտարարության մեջ ասվում է, որ այս «հարձակումը» միանշանակորեն «միջազգային կանոնների եւ պայմանավորվածությունների խախտում» է, փոխանցում է DW–ն։

Մեծ Բրիտանիայի ՆԱՏՕ-ի  դաշնակիցներն իրենց համերաշխությունն են հայտնել Լոնդոնին եւ առաջարկել են այս գործի շարունակական ուսումնասիրության հարցում աջակցություն ցուցաբերել։

Նշենք, որ Բրիտանիան Ռուսաստանին մեղադրում է Սկրիպալի եւ նրա դստեր թունավորման մեջ։

Մարտի 12-ին Մեծ Բրիտանիայի վարչապետ Թերեզա Մեյը հայտարարել էր, որ Սկրիպալի թունավորմանը «մեծ հավանականությամբ» ներգրավված է Ռուսաստանը: Նա ՌԴ-ին ժամանակ էր տվել մինչեւ մարտի 13-ը միջադեպի առնչությամբ մանրամասն պարզաբանումներ տրամադրելու համար, հակառակ դեպքում՝ Մոսկվայի դեմ լուրջ քայլերի ձեռնարկում է նախատեսվում:

Իսկ արդեն այսօր՝ մարտի 14–ին Բրիտանիայի վարչապետը հայտարարել է 23 ռուսաստանցի դիվանագետի արտաքսելու եւ  Ռուսաստանի հետ երկկողմ շփումները կասեցնելու մասին։

Ավելի վաղ Սերգեյ Լավրովը հայտարարել էր, որ ռուսական կողմը չի պատասխանի «Սկրիպալի գործի» վերաբերյալ Լոնդոնի վերջնագրին, մինչեւ Մեծ Բրիտանիան չկատարի քիմիական զենքի արգելման մասին հռչակագրի շրջանակում ստանձնած պարտավորությունները եւ չապահովի նյութին հասանելիությունը, որով թունավորվել են ռուս նախկին սպա Սերգեյ Սկրիպալը եւ նրա դուստր Յուլյան:

ՌԴ ԱԳՆ խոստացել է հայտարարությամբ հանդես գալ Բրիտանիայի վարչապետի հայտարարության շուրջ։

Հիշեցնենք, որ 66-ամյա նախկին լրտես Սկրիպալը եւ նրա դուստրը մարտի 4-ին նյարդապարալիտիկ գազի ազդեցության են ենթարկվել անգլիական Սոլսբերի քաղաքի առեւտրի կենտրոններից մեկում եւ անգիտակից վիճակում տեղափոխվել հիվանդանոց։ Նրանք գտնվում են հիվանդանոցում ծայրահեղ ծանր վիճակում:

Սկրիպալը Ռուսաստանում 2006 թվականին դատապարտվել էր Մեծ Բրիտանիայի օգտին լրտեսելու համար, իսկ 2010 թվականին նրան ներում է շնորհվել երեք այլ ռուսների հետ: Ավելի ուշ նրանց փոխանակել են ԱՄՆ-ում ձերբակալված ռուս գործակալների հետ: Սկրիպալն ապաստան էր ստացել Մեծ Բրիտանիայում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանը չի ձգտում անդամակցել ՆԱՏՕ-ին. Փաշինյան
Փաշինյանը նաև նշել է, որ Հայաստանը պահպանում է գործընկերային հարաբերությունները եւ՛ Ռուսաստանի, եւ՛ ԵՄ-ի հետ, բայց չի լինելու որևէ մեկի ազդեցության տակ...
Գործող իշխանությունը չեն կարողանալու աշխատացնել գործարանները. Արամ Սարգսյան
Իրենք ի՞նչ են անում՝ եթե այստեղ նույնիսկ փող են դնում, գալիս-առնում են մեզանից շահութաբեր ոլորտները...
2019 թվականին ՀՀ-ն մինչեւ 130 զինծառայողով կշարունակի մասնակցել Աֆղանստանում խաղաղապահ առաքելությանը
Զոհրաբ Մնացականյանը մասնակցեց «Հաստատակամ աջակցություն» առաքելության նախարարական հանդիպմանը․․․
Սթոլթենբերգին անհանգստացնում է կանոնավոր բանակ ունենալու Կոսովոյի ծրագիրը
Սերբիայի պաշտոնատար անձինք պնդում են, որ բանակը կօգտագործվի․․․
Մակեդոնիան կարող է 2020թ․ սկզբին միանալ ՆԱՏՕ-ին
Մակեդոնիան «արդեն 18 ամսից» կարող է դառնալ ՆԱՏՕ-ի 30-րդ անդամը․․․
ՆԱՏՕ-ի պետքարտուղար․ ՓՄՀՀՊ-ն, ամենայն հավանականությամբ, կդադարեցնի իր գոյությունը
Ռուսաստանի կողմից պայմանագրի խախտումները «բավական ակնհայտ» են․․․
Ամենաշատ
Partner news