Եվրամիությունը կփորձի ազատել իրեն ԱՄՆ սահմանած պողպատի եւ ալյումինի ներմուծման համար սակագներից: Այս մասին հայտարարել է Գերմանիայի կանցլեր Անգելա Մերկելը, հավելելով, որ պրոտեկցիոնիզմը միջազգային առեւտուրում ճիշտ մոտեցում չէ, հաղորդում է Reuters-ը:
Մերկելը նշել է, որ «բազմակողմանիության ճգնաժամ» է տեսնում, որին ԵՄ-ն բոլորից լավ կարող էր պատասխանել ԱՄՆ հետ միասնական ճակատի եւ երկխոսության միջոցով:
«Մենք կձգտենք հասնել դրան: Ես չեմ կարող նախապես ասել, կստացվի թե չէ: Մենք միշտ ասել ենք, որ արդար առեւտուր ենք ուզում՝ ԱՀԿ համաձայնագրերի հիման վրա», - ասել է Մերկելը: