Եվրոպական խորհրդարանի պատվիրակությունը հայտարարել է, որ վերջին երեք տարիների ընթացքում Հյուսիսային Կորեայի հետ գաղտնի բանակցություններ է վարել` Փհենյանին փորձելով համոզել դադարեցնել իր միջուկային ծրագիրը, հաղորդում է AFP-ն:
Եվրոպական խորհրդարանի Մեծ Բրիտանիայից պատգամավոր Նիրժ Դեւի գլխավորած խումբը 14 անգամ հանդիպել է Հյուսիսային Կորեայի բարձրաստիճան պաշտոնյաների, այդ թվում նախարարների հետ եւ Բրյուսելում առաջիկայում նախատեսում է եւս մեկ հանդիպում անցկացնել:
Պատգամավորները պարբերաբար գաղտնի հանդիպումներ են անցկացրել Բրյուսելում Հյուսիսային Կորեայի հետ, լսելով իրենց խնդիրները եւ փորձելով նրանց համոզել միջուկային պատերազմի վտանգի մասին:
«Մենք միանշանակ ասել ենք նրանց, որ եթե շարունակեն հրթիռային եւ միջուկային ծրագրերը, դա անխուսափելի եւ անսպասելի արդյունքի կհանգեցնի», - ասել է Դեւան:
Նրա խոսքով՝ Հյուսիսային Կորեայի դեմ խիստ պատժամիջոցների կիրառումը կարեւոր դեր է խաղացել բանակցություններին համաձայնելու համար, քանի որ պատժամիջոցների հետեւանքները սկսել են զգալ սովորական մարդիկ: