ՌԴ նախագահի թեկնածու Քսենիա Սոբչակին «Ռոսիա 1» հեռուստալիքով ընթացող հեռուստաբանավեճի ժամանակ լացացրել են: Սոբչակն իր ընդդիմադիրներին, այդ թվում ՌԼԴԿ ղեկավար Վլադիմիր Ժիրինովսկիին մեղադրել է, որ նրանք «միայն իրեն են ընդհատում», գրում է «Կոմերսանտը»:
«Ես բողքոքելու եմ ԿԸՀ-ին: Ես սա անարդար եմ համարում: Այս մարդիկ ընդհատում են միայն ինձ: Ես պահանջում եմ վերադարձնել իմ ժամանակը»,— ասել է նախագահի թեկնածուն:
Նա բանավեճի հաղորդավար Վլադիմիր Սոլովյովին մեղադրել է նրանում, որ նա թույլ է տալիս իր ստուդիայում իրեն վիրավորեն: Սոլովյովը նշել է, որ չի կարող ազդել իրավիճակի վրա, քանի որ չի կարող ընդհատել թեկնածուներին:
Սա Քսենիա Սոբչակի եւ Վլադիմիր Ժիրինովսկու մասնակցությամբ առաջին սկանդալը չէ: Մարտի սկզբին «Ռոսիա 1» հեռուստալիքով ընթացող հեռուստաբանավեճի ժամանակ քաղաքական գործիչները սկսել էին վիճել, որի ժամանակ Ժիրինովսկին կոպտորեն վիրավորել էր Սոբչակին: Վերջինս էլ իր հերթին նրա վրա բաժակից ջուր էր լցրել:
