Ստամբուլի Շիշլիի քաղաքային խորհուրդը որոշում է կայացրել շրջանի 2 փողոցներ վերանվանել Հրանտ Դինքի եւ Ուղուր Մումջուի անուններով։
Թուրքական BirGun–ի փոխանցմամբ՝ Շիշլիի քաղաքային խորհրդի որոշման մեջ նշվել է, որ Սամանյոլու փողոցը վերանվանվում է Հրանտ Դինքի անունով, իսկ Ըշըք փողոցը՝ Ուղուր Մումջուի (հայտնի լրագրող, ում սպանել են 1993–ին) անունով։
Շիշլիի քաղաքային խորհուրդը 2 փողոցների վերանվանման որոշումներն ուղարկել է Ստամբուլի քաղաքային խորհդին, որի հավանությունից հետո այն օրինական ուժ կստանա։