Մարտի 12-ին, ժամը 20.30-ին, «Երվանդաշատ» ուղեկալից ոստիկանության Բաղրամյանի բաժին ահազանգ է ստացվել, որ կատարվել է սահմանային գոտու ռեժիմի խախտում:
Ոստիկանությունից NEWS.am-ին հայտնում են, որ մեկնած օպերատիվ խումբը պարզել է, որ 26-ամյա Հ. Կ.-ն, 32-ամյա Հ. Բ.-ն եւ 19-ամյա Ս. Հ.-ն, խախտելով սահմանային գոտու կանոնները, ապօրինի մուտք են գործել «Երվանդաշատ» ուղեկալի սահմանային գոտի, որտեղ Հ.Կ.-ն իր մոտ ապօրինի պահվող, ընկերոջը` 36-ամյա Ա. Ա.-ին պատկանող որսորդական ակոսափող հրազենով որս անելու նպատակով սահմանային գոտում արձակել է կրակոցներ:
Հ.Կ.-ի մոտ հայտնաբերվել է նաեւ 7,62 մմ տրամաչափի 2 փամփուշտ:
Հրազենն ու փամփուշտներն առգրավվել եւ ուղարկվել են փորձաքննության:
Նշված անձինք ներկայացել են բաժին եւ կատարվածի վերաբերյալ տվել բացատրություն:
Կատարվում է քննություն: