News
Լրահոս
News
Հինգշաբթի
Հուլիս 19
Տեսնել լրահոսը

Ֆրանսիայի, Գերմանիայի, Մեծ Բրիտանիայի եւ ԱՄՆ-ի առաջնորդները հանդես են եկել համատեղ հայտարարությամբ ռուսական նախկին լրտես Սերգեյ Սկրիպալի թունավորման հարցով, գրում է Reuters–ը։

«Մենք՝ Ֆրանսիայի, Գերմանիայի, Մեծ Բրիտանիայի եւ ԱՄՆ-ի առաջնորդներս, դատապարտում ենք մարտի 4-ին Սոլսբերիում Սերգեյ եւ Յուլիա Սկրիպալների վրա հարձակումը։ Ռուսաստանի կողմից մշակված ռազմական նշանակության նյարդային թույնի օգտագործումը Երկրորդ պատերազմից ի վեր նյարդային թույնի օգտագործման առաջին դեպքն է Եվրոպայում։

Սա հարձակումը է մեծ Բրիտանիայի ինքնիշխանության վրա եւ պետության կողմից այսպիսի գործողությունները Քիմիական զենքի մասին կոնվենցիայի եւ միջազգային իրավունքի  ակնհայտ խախտում է, ինչպես նաեւ սպառնում է մեզ բոլորիս»

Չորս երկրները կոչ են արել Ռուսաստանին Քիմիական զենքի արգելման կազմակերպությանը լիարժեք հասանելիություն տրամադրել  «Նովիչոկ» նյարդային թույնի ծրագրին։

Նշենք, որ Բրիտանիան Ռուսաստանին մեղադրում է Սկրիպալի եւ նրա դստեր թունավորման մեջ։

Մարտի 12-ին Մեծ Բրիտանիայի վարչապետ Թերեզա Մեյը հայտարարել էր, որ Սկրիպալի թունավորմանը «մեծ հավանականությամբ» ներգրավված է Ռուսաստանը: Նա ՌԴ-ին ժամանակ էր տվել մինչեւ մարտի 13-ը միջադեպի առնչությամբ մանրամասն պարզաբանումներ տրամադրելու համար, հակառակ դեպքում՝ Մոսկվայի դեմ լուրջ քայլերի ձեռնարկում է նախատեսվում:

Իսկ արդեն մարտի 14–ին Բրիտանիայի վարչապետը հայտարարել է 23 ռուսաստանցի դիվանագետի արտաքսելու եւ  Ռուսաստանի հետ երկկողմ շփումները կասեցնելու մասին։

Ավելի վաղ Սերգեյ Լավրովը հայտարարել էր, որ ռուսական կողմը չի պատասխանի «Սկրիպալի գործի» վերաբերյալ Լոնդոնի վերջնագրին, մինչեւ Մեծ Բրիտանիան չկատարի քիմիական զենքի արգելման մասին հռչակագրի շրջանակում ստանձնած պարտավորությունները եւ չապահովի նյութին հասանելիությունը, որով թունավորվել են ռուս նախկին սպա Սերգեյ Սկրիպալը եւ նրա դուստր Յուլյան:

Իսկ մարտի 14-ին ՌԴ ԱԳՆ խոստացել է հայտարարությամբ հանդես գալ Բրիտանիայի վարչապետի հայտարարության շուրջ, ապա խոստացել հայելային պատասխան տալ ռուս դիվանագետների արտաքսմանը։ ՌԴ ԱԳ նախարար Սերգեյ Լավրովն էլ հայտնել է, որ Մոսկվան բրիտանացի դիվանագետներին կարտաքսի՝ ի պատասխան Լոնդոնի համանման գործողությունների:

Հիշեցնենք, որ 66-ամյա նախկին լրտես Սկրիպալը եւ նրա դուստրը մարտի 4-ին նյարդապարալիտիկ գազի ազդեցության են ենթարկվել անգլիական Սոլսբերի քաղաքի առեւտրի կենտրոններից մեկում եւ անգիտակից վիճակում տեղափոխվել հիվանդանոց։ Նրանք գտնվում են հիվանդանոցում ծայրահեղ ծանր վիճակում:

Սկրիպալը Ռուսաստանում 2006 թվականին դատապարտվել էր Մեծ Բրիտանիայի օգտին լրտեսելու համար, իսկ 2010 թվականին նրան ներում է շնորհվել երեք այլ ռուսների հետ: Ավելի ուշ նրանց փոխանակել են ԱՄՆ-ում ձերբակալված ռուս գործակալների հետ: Սկրիպալն ապաստան էր ստացել Մեծ Բրիտանիայում:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Մոսկվան մտադիր է Սկրիպալների գործով Լոնդոնի վրա քաղաքական ճնշում գործադրել
Այդ թվում՝ նաեւ պաշտոնական հարցումների եւ բրիտանական կողմի հետ երկխոսության ճանապարհով…
Ռուսաստանը պահանջել է հայտնել Սկրիպալների թունավորման գործով կասկածյալների անունները
«Մինչ այժմ դրանք միայն լրատվամիջոցներումի տարբերակներն էին...
Թունավորում Էյմսբերիում. Լոնդոնը պարզաբանումներ է պահանջում, Մոսկվան իրավիճակն անվանում է «կեղտոտ քաղաքական խաղ»
Նյարդակաթվածահարող նյութը, որով Էյմսբերիում թունավորվել է զույգը, նույն խմբից է, ինչ այն նյութը, որով թունավորվել էին Սերգեյ եւ Յուլյա Սկրիպալները…
Կրեմլին հայտնի չեն բրիտանական իշխանությունների ուղերձները Էյմսբերիում թունավորման հետաքննությանն օգնելու մասին
Մոսկվան տագնապահարույց նորություն է համարում բրիտանական Էյմսբերիում 2 մարդու հնարավոր թունավորման միջադեպը…
«Նովիչոկը» դարձյալ արդիական է. Լոնդոնը Մոսկվային կոչ է անում հայտնել Սկրիպալների դեմ մահափորձի մանրամասները
Ռուսական պետությունը կարող է այս իրավիճակն «ուղղել», եթե մեզ պատմի, թե կոնկրետ ինչ է տեղի ունեցել, իրենք ինչ են արել…
Սոլսբերիում աշխատանքն է վերսկել առեւտրի կենտրոնը, որը փակվել էր Սկրիպալների միջադեպից հետո
Քանինգեմը հայտնել է, որ նյարդապարալիզացնող նյութերը հեռացվել են․․․
Ամենաշատ
Partner news