Անցյալ տարի ՆԱՏՕ-ի եվրոպական անդամները եւ Կանադան 2016 թվականի համեմատ պաշտպանության համար գրեթե 5 տոկոսով ավելացրել են ծախսերը: Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը, հաղորդում է Reuters-ը:
Նրա խոսքով՝ այս տարի դաշինքի ութ անդամները պաշտպանության համար կհատկացնեն ՀՆԱ-ի 2 տոկոսը:
Արդեն հինգ երկրները արել են այդ: Խոսքը Միացյալ Նահանգների, Մեծ Բրիտանիայի, Էստոնիայի, Հունաստանի եւ Լեհաստանի մասին է, սակայն նոր գնահատականները ցույց են տալիս, որ Լեհաստանը ծախսերը կրճատել է:
Հիմնական ցուցանիշը վերաբերում է նրան, թե որքան է յուրաքանչյուր երկիրը ծախսում սեփական պաշտպանության համար, այլ ոչ թե որքան է վճարում ՆԱՏՕ-ն:
ՆԱՏՕ-ի 29 դաշնակիցները 2017-ին ավելի քան 900 մլրդ դոլարի ներդրումներ են կատարել, ԱՄՆ-ի ծախսերը երկու երրորդն են կազում: Անցյալ տարի Գերմանիան ավելացրել է ծախսերը 6 տոկոսով: