Կոլումբիայում ոստիկանությունը ձերբակալել է «Իսլամական պետության» անունից ամերիկացի դիվանագետներին սպանելու մեջ կասկածվող կուբացուն, հաղորդում է AP-ն:
Դատարանը Ռաուլ Գուտյերեսին մեղադրել է ահաբեկչության եւ դավադրության մեջ եւ որպես խափանման միջոց է ընտրել կալանքը:
Իշխանությունները հայտարարել էին, որ փետրվարի վերջին նրանք գտել էին հաղորդագրություններ, որտեղ Գուտյերեսը իբրեւ թե քննարկում էր Բոգոտայում գտնվող ռեստորանում ռումբի ստեղծման եւ պայթեցման ծրագրերը, որտեղ նա փորձում էր աշխատել որպես աման լվացող եւ որտեղ ամերիկացի դիվանագետները հաճախ ճաշում էին:
Telegram-ի մեկ այլ հաղորդագրության մեջ, նա իբրեւ թե պատրաստակամություն էր հայտնել հանուն Ալլահի եւ ԻՊ-ի իրեն պայթեցնել:
