Սաուդյան Արաբիայի թագաժառանգ Մուհամմեդ բին Սալմանը «տխմար եւ միամիտ» մարդ է, ով քաղաքականության մասին պատկերացում չունի, բացի ծաղրիչ մեկնաբանություններից, որոնք արվում են անհեռատեսության պատճառով: Այս մասին հայտարարել է Իրանի արտաքին գործերի նախարար Բահրամ Կասեմին՝ մեկնաբանելով արքայազնի հարցազրույցը, որի ժամանակ նա Իրանի բարձրագույն ղեկավար այաթոլահ Ալի Խամենեին «նոր Հիտլեր» է անվանել, եւ ասել, որ եթե Թեհրանն ունենա միջուկային զենք, Ռիադը նույնպես կունենա այն: հաղորդում է Press.tv-ն:
Կասեմիի խոսքով՝ Իրանը հարգանք է ցուցաբերում իր բոլոր հարեւանների եւ երկրների հանդեպ, անկախ նրանց գտնվելու վայրից, ռազմական կամ տնտեսական ուժից, Իրանը միշտ մտածել է հզոր, անվտանգ եւ կայուն տարածաշրջան ստեղծելու, այլ ոչ թե միայն երկրի մասին: Կասեմին նշել է, որ Իրանը տարածաշրջանի բոլոր երկրներին, հատկապես մի քանի անբարյացակամ եւ համառ թշնամիներին երկխոսության եւ հանդուրժողականության կոչ է անում:
Մեկնաբանելով արքայազնի նկատողությունն այն մասին, որ իրանական բանակը իսլամական աշխարհում հինգ լավագույն բանակների մեջ չէ, Կասեմին խորհուրդ է տվել Ռիադին լռել, նշելով, որ Եմենի բնակիչների երեքամյա պաշարումից հետո Սաուդյան Արաբիան պետք է ծնկի գա Եմենի ժողովրդի դիմակայության առաջ:
Սաուդյան Արաբիայի արքայազն Մոհամեդը Ալի Համենեիին «նոր Հիտլեր» է անվանել